越訓係會越攰？
平時返工耗損好多精神、心力，放工後仲要聯誼或者讀書，甚至要照顧家庭，但第二朝又晨早起身返工，真係攰到人都癲～所以放假梗係訓到自然醒喇，果時可能都11、12點、甚至晏晝，但點解個身都係咁重，精神都仲係咁差……咁可能你有以下壞習慣。
1. 夜一夜都唔願訓
明知第二日放假，前一晚就玩到好夜，例如同朋友聚餐、打機、煲劇，過晒平時訓覺生理時間，搞到個人無晒睡意，仲有機會要用失眠嚟調節返個人生理時鐘，搞亂晒荷爾蒙分泌。
2. 早午餐一齊食
訓晏咗索性一次食晒兩餐，既省時又方便～不過一下子食咁多野，休息咗咁耐嘅腸胃未必適應到，所以都係先食少少，隔一陣再正式食一餐，咁腸胃就無咁易'hang'機。
3. 長期身處冷氣房
冷氣係一個偉大發明，但係凡事過多就唔好，成日涼冷氣會引致'冷氣病'*。因此放假應外出走走，讓身體出一出汗、排一排毒。
4. 飲食大亂
放假就會懶，一係就好肚餓先食，一係就狂食，再唔係就剩係食公仔麵、杯麵等無益食品，令到身體得唔到足夠營養，影響健康。
如有以上壞習慣就盡可能減少，但有時明明好乖都係越訓越攰，不能睡得甘甜，咁
